Bakı. Trend:
İtaliyada keçiriləcək sammitdə "Yeddilik Qrupu" (G7) Rusiyaya qarşı yeni sanksiyalar və ixrac nəzarətini elan edəcək.
Trend-in məlumatına görə, bu barədə Strateji Kommunikasiyalar üzrə Koordinator Con Kirbi jurnalistlər üçün onlayn brifinqdə deyib.
"Biz Rusiya hərbi maşını üçün xərcləri artırmağa davam edəcəyik və bu həftə təsirli yeni sanksiyalar və ixrac nəzarəti paketini elan edəcəyik", - deyə o bildirib.
C.Kirbi gələcək məhdudiyyətlərlə bağlı əlavə təfərrüatlar verməkdən imtina etdi, lakin Qərbin Rusiyaya və onun müdafiə sənayesinə iqtisadi təzyiqi artırmaq niyyətində olduğunu vurğuladı.