Bakı. Trend:
Kanada hakimiyyəti, xüsusən "dezinformasiya və təbliğat əməliyyatlarında iştirak edən" şirkətlərə qarşı əlavə anti-Rusiya sanksiyalarının tətbiq edildiyini açıqladı.
Trend-in məlumatına görə, bu barədə Kanada Xarici İşlər Nazirliyi xəbər verib.
Məlumata əsasən, sanksiya siyahısına xüsusilə “Rossiyskaya qazeta” və "Sankt-Peterburq" telekanalı daxil edilib.
Məhdudiyyətlərin tətbiq olunduğu şirkətlər arasında “Pobeda” aviaşirkəti də var.
Məşhur xokkey qapıçısı Vladislav Tretyak və Təhlükəsiz İnternet Liqasının rəhbəri Yekaterina Mizulina da sanksiyalar siyahısına daxil edilib.