Bakı. Trend:
Türkiyə Ali Hərbi Şurası ölkənin Silahlı Qüvvələrinin sıralarında yeni təyinatlar və kadr dəyişiklikləri barədə məlumat yayıb.
Trend xəbər verir ki, Prezident Rəcəb Tayyib Ərdoğanın sədrliyi ilə keçirilən Şuranın iclası Ankarada baş tutub.
Şuranın qərarına əsasən, 23 general və admiralın rütbəsi qaldırılıb, 77 polkovnikə isə general və admiral rütbəsi verilib.
Bundan başqa, 34 general və admiralın xidmət müddəti bir il, 455 polkovnikin isə iki il uzadılıb.
Ümumilikdə, 31 general və admiral təqaüdə göndərilib.
Qərar avqustun 30-dan qüvvəyə minəcək və Türkiyə ordusunda xidmətdə olan general və admiralların sayı hazırkı 281-dən 327-yə çatacaq.