Bakı. Trend:
Paris-2024 Yay Paralimpiya Oyunlarının bağlanış mərasimi start götürüb.
Trend İdman.biz-ə istinadən xəbər verir ki, Azərbaycan yığması rəsmi paraddan keçib.
"Stad de Frans" stadionunda təşkil olunan mərasimdə bayrağımızı paraatletika üzrə Paralimpiya çempionları Səid Nəcəfzadə və Lamiyə Vəliyeva dalğalandırıblar.
Qeyd edək ki, Azərbaycan Paris-2024 Paralimpiadasında 4 qızıl, 2 gümüş və 5 bürünc medalla başa vurub və medal siyahısında 28-ci olub.