Bakı. Trend:
İsraillə bağlanmış atəşkəs razılaşması əsasında HƏMAS dörd israilli əsir qadını azad edib. Əsirlər artıq İsrail ərazisinə daxil olublar.
Trend bu haqda İsrail ordusunun mətbuat xidmətinə istinadən xəbər verir.
Məlumata görə, beynəlxalq nümayəndələrin vasitəçiliyi ilə əsirlər İsrailin müdafiə ordusuna və ümumi təhlükəsizlik xidmətinin əməkdaşlarına təhvil verilib.
Əsirləri Qəzzanın mərkəzində Beynəlxalq Qırmızı Xaç komitəsinin əməkdaşları təhvil alıblar. Fələstin tərəfdən təhvil-təslim prosesində isə “İzəddin əl-Qəssam” hərəkatının hərbi qanadının nümayəndələri iştirak ediblər