Bakı. Trend:
BMT Təhlükəsizlik Şurasına sədrlik bir ay müddətinə Çinə keçib. Yanvarda təşkilata Əlcəzair sədrlik edib.
Trend-in məlumatına görə, BMT Təhlükəsizlik Şurası üzvlərinin fevralda keçiriləcək iclaslarının mövzularından biri Yaxın Şərqdəki vəziyyət olacaq. Ümumilikdə, ay ərzində BMT Təhlükəsizlik Şurası təxminən iyirmi açıq iclas və qapalı məsləhətləşmələr keçirəcək.
Qeyd edək ki, BMT Təhlükəsizlik Şurası 15 üzvdən, o cümlədən 5 daimi üzvdən - Böyük Britaniya, Çin, Rusiya, ABŞ və Fransadan ibarətdir. Təhlükəsizlik Şurasında təmsil olunan dövlətlər öz işinə növbə ilə ingilis dilinin əlifba sırası ilə rəhbərlik edirlər.