Bakı. Trend:
ABŞ prezidenti Donald Trampın Rusiya prezidenti Vladimir Putinlə görüşü fevralın sonuna qədər baş tuta bilər.
Trend-in məlumatına görə, ABŞ lideri çərşənbə axşamı yeni fərmanlarını imzalayarkən jurnalistlərin suallarını cavablandırarkən bunu təsdiqləyib. Tədbir D.Trampın Florida ştatının Uest-Palm-Biç şəhəei yaxınlığında yerləşən Mar-a-Laqo malikanəsində baş tutub.
ABŞ prezidentindən Putinlə görüşünün ayın sonuna qədər baş tutacağını hələ də gözlədiyinə aydınlıq gətirməsi istənilib. “Yəqin ki,” - deyə Tramp cavab verib. Bu məsələ ilə bağlı ondan əlavə şərh verilməyib.
Rusiya prezidentinin köməkçisi Yuri Uşakovun fevralın 18-də Ər-Riyadda Rusiya-ABŞ danışıqlarından sonra verdiyi məlumata görə, Putinlə Tramp arasında görüş üçün konkret tarix hələ müəyyən edilməyib. O qeyd edib ki, görüşün gələn həftə baş tutması ehtimalı azdır.