Bakı. Trend:
Polşanın şimal-qərbində yeni neft və təbii qaz yatağı kəşf edilib.
Trend xəbər verir ki, "Central European Petroleum" şirkəti tərəfindən ölkənin ən böyük, Avropanın isə ən böyük yataqlarından biri elan olunub.
Yataq Baltik dənizi sahilində, Şeçin şəhəri yaxınlığında yerləşir. Ehtiyatların 22 milyon ton neft və 5 milyard kubmetr kommersiya keyfiyyətli qaz olduğu ehtimal edilir. Ümumi neft ehtiyatları 33 milyard ton, qaz ehtiyatları isə 27 milyard kubmetr olaraq qiymətləndirilir.
Qeyd edək ki, Polşanın neft yataqlarının əksəriyyəti ölkənin qərb hissəsində yerləşir.