Bakı. Trend:
Hindistan paytaxtı Yeni Dehlidə avtomobilin partladılması nəticəsində səkkiz nəfər həlak olub.
Trend-in məlumatına görə, bu barədə Hindistan daxili işlər naziri Amit Şah deyib.
"Bu gün saat 19:00 radələrində Dehlidəki Qırmızı Qala yaxınlığında "Hyundai i20" markalı avtomobildə partlayış baş verib. Partlayış nəticəsində üç-dörd avtomobilə ziyan dəyib, insanlar yaralanıb və bəziləri həlak olub", - deyə nazir bildirib.
O qeyd edib ki, xəstəxanalardan alınan məlumata görə, indiyə qədər səkkiz nəfər ölüb.
xxx
20:56
Hindistan paytaxtı Yeni Dehlinin Köhnə Dehli ərazisində baş verən partlayış nəticəsində ən azı 22 avtomobil və bir avtorikşa yanıb.
Trend-in məlumatına görə, bu barədə bu barədə Yeni Dehli polisi xəbər verib.
"Bu gün saat 18:52-də yavaş hərəkət edən avtomobil qırmızı işıqda dayanıb. Avtomobilin içərisində partlayış baş verib və yaxınlıqdakı nəqliyyat vasitələrinə ziyan dəyib. Bir neçə nəfər öldü, digərləri yaralanıb", - deyə polis komissarı Satiş Qolça bildirib.
Hindistanın Yeni Dehli, Uttar Pradeş ştatı və Mumbay şəhərində yüksək hazırlıq vəziyyəti elan edilib. Hindistanın Pakistan və Banqladeşlə sərhədləri boyunca da patrul xidməti gücləndirilib.