Bakı. Trend:
Filippində “Funq-Vonq” adlı super tayfun nəticəsində ölənlərin 18-ə çatıb.
Trend xəbər verir ki, bu barədə xarici KİV-lər məlumat yayıb.
Məlumata görə, ölənlərin əksəriyyəti torpaq sürüşmələri nəticəsində həlak olub. Ümumilikdə ölkə ərazisində 28 nəfər xəsarət alıb, iki nəfər isə itkin düşmüş sayılır.
“Funq-Vonq” super tayfunu Filippinə noyabrın 9-da daxil olub. Fövqəladə vəziyyətlə əlaqədar sahilyanı ərazilərdən 1,4 milyondan çox insan təxliyə edilib.