Bakı. Trend:
İran prezidenti Məsud Pezeşkian ABŞ sanksiyalarının İran xalqının üzləşdiyi çətinliklərin səbəbi olduğunu bildirib.
Trend-in məlumatına görə, bu barədə M.Pezeşkian "X" sosial şəbəkəsində yazıb.
"Əgər İran xalqı həyatlarında məhrumiyyətlər və çətinliklərlə üzləşirsə, bunun əsas səbəblərindən biri ABŞ hökuməti və müttəfiqləri tərəfindən tətbiq edilən düşmənçilik və sanksiyalardır.
Ölkəmizin Ali Liderinə qarşı hər hansı bir təcavüz İran xalqına qarşı tammiqyaslı müharibəyə başlamaq deməkdir", - deyə İran prezidenti bildirib.