Bakı. Trend:
Milanda tramvayın relsdən çıxması nəticəsində iki nəfər həlak olub, ağır yaralılar da daxil olmaqla ən azı 40 nəfər yaralanıb.
Trend-in məlumatına görə, bu barədə İtaliyanın "Corriere della Sera" qəzeti xəbər verib.
Polis və xilasetmə işçiləri hadisə yerindədir. Nəzərdən keçirilən ehtimallardan biri sürücünün özünü pis hiss etməsi olub. O son dayanacaqda saxlamadan yolu davam edib. O, yüngül xəsarətlərlə xəstəxanaya aparılıb. İlkin məlumatlara görə, nəqliyyat vasitəsi yüksək sürətlə hərəkət edirmiş.
Tramvay relsdən çıxdıqdan sonra binaya çırpılıb və piyadaların üzərinə çıxıb.