Bakı. Trend:
İsrail Hərbi Hava Qüvvələri şənbə günü Tehran şəhərində yerləşən strateji nüvə tədqiqat və inkişaf obyektinə zərbə endirib.
Trend xəbər verir ki, bu barədə İsrail Müdafiə Qüvvələri məlumat yayıb.
Məlumata görə, hədəf Malek Aştar Texnologiya Universiteti ərazisində yerləşən və İranın hərbi sənayesi tərəfindən nüvə silahı komponentlərinin hazırlanması üçün istifadə olunduğu iddia edilən obyekt olub.
Qeyd edilir ki, İran Müdafiə Nazirliyi ilə əlaqəli olan bu universitet ölkənin nüvə və ballistik raket proqramları ilə bağlı fəaliyyətlərinə görə Qərb sanksiyalarına məruz qalıb.