Bakı. Trend:
Səudiyyə Ərəbistanı Krallığı İranın Krallığa qarşı hücumları ilə bağlı hesabatı ehtiva edən iki məktubun BMT və BMT Təhlükəsizlik Şurasının sənədləri sırasında rəsmi sənəd olaraq yayılmasını istəyir.
Bu barədə Trend-ə Səudiyyə Ərəbistanı Krallığının Azərbaycandakı səfirliyindən məlumat verilib.
Məlumatda BMT Baş katibi və Təhlükəsizlik Şurasının sədrinə
ünvanlanmış məktublarda Səudiyyə Ərəbistanı Krallığına qarşı İranın
hücumlarının izlənməsi və sənədləşdirilməsinin vacibliyi qeyd
olunub.
Məlumatda deyilir ki, məktublarda İranın Səudiyyə Ərəbistanı
Krallığı, Küveyt, Qətər, Oman Sultanlığı, Bəhreyn, Birləşmiş Ərəb
Əmirlikləri və İordaniyaya qarşı hücumları pislənilib. Eyni zamanda
Təhlükəsizlik Şurasında 136 dövlətin dəstəyini qazanan 2022-ci il
tarixli 2817 saylı qətnamənin surəti öz əksini tapıb.
Sözügedən məktublarda qeyd olunur ki, 28 fevral-7 aprel 2026
aralığında İran Səudiyyə Ərəbistanı Krallığına hücumlar həyata
keçirib. İran Səudiyyə Ərəbistanı Krallığını ballistik raketlər,
“Kruz” raketləri və dronlarla hədəf alıb. İranın Səudiyyə
Ərəbistanına hücumlarında 1131 dron və 140 ballistik və “Kruz”
raketindən istifadə olunub. Bütün hücumlar enerji infrastrukturuna,
neft obyektlərinə, hərbi obyektlərə və mülki obyektlərə, o cümlədən
xarici səfirliklərin yerlərinə yönəlib. Bu, Birləşmiş Millətlər
Təşkilatının Nizamnaməsində müəyyən edilmiş beynəlxalq norma və
qanunlara ziddir.
Məktublarda İranın Səudiyyə Ərəbistanı Krallığının müxtəlif obyektlərinə dəyən xəsarətlərlə bağlı məlumatlar və fotoşəkillər əks olunub.