Bakı. Trend:
İranın dondurulmuş aktivləri İran-ABŞ münaqişəsi zamanı Tehranın vurduğu ziyana görə Fars körfəzi ölkələrinə kompensasiya ödəmək üçün istifadə edilə bilər.
Bu barədə ABŞ Maliyyə Naziri Skott Bessent sosial mediada yazıb.
Nazirin sözlərinə görə, Fars körfəzində ABŞ müttəfiqlərinə dəyən hər hansı bir zərər İran hesablarından müsadirə edilmiş vəsaitlərlə ödəniləcək. Bundan əlavə, bu vəsaitlər Hörmüz boğazından keçmə xərclərinin ödənilməsi üçün istifadə edilə bilər.
Bessent bildirib ki, Tehrandan gələcək hər hansı hücum İran üçün iqtisadi və maliyyə nəticələrini daha da pisləşdirəcək. Nazir qeyd edib ki, son günlərdə ABŞ ilə İran arasında münaqişə daha da kəskinləşib.
İran ABŞ ilə silahlı qarşıdurma zamanı Ərəb körfəzi ölkələrindəki Amerika bazalarına və digər hədəflərə dəfələrlə zərbələr endirib. Təxminən iki aydır ki, atəşkəs elan olunmasına baxmayaraq, 10 iyun gecəsi iki ölkə qarşılıqlı hücumlar həyata keçirib. Zərbələr növbəti gecə də davam edib və İran Hörmüz boğazını bütün gəmiçilik üçün bağlayıb.
