Bakı.Trend:
Ermənistanın Baş naziri Nikol Paşinyan bu posta təyin olunmasından sonra imzaladığı ilk sərəncamla Ermənistanın ABŞ-dəkı keçmiş səfiri Lilit Makuntsu baş nazirin baş müşavirinin səlahiyyətlərini müvəqqəti icra edən vəzifəsindən azad edib və onu Baş nazir Aparatının rəhbəri təyin edib.
Bu barədə Ermənistan KİV-də məlumat yayılıb.
"Lilit Makunts baş nazirin baş müşavirinin səlahiyyətlərini müvəqqəti icra edən vəzifəsindən azad edilsin. Lilit Makunts Baş nazir Aparatının rəhbəri vəzifəsinə təyin edilsin”,-deyə Ermənistan hökumətinin rəsmi saytında dərc olunan sərəncamlarda deyilir.
Paşinyan daha əvvəl Makuntsun aparat rəhbəri təyin ediləcəyini, həmçinin müdafiə naziri Suren Papikyanın və daxili işlər naziri Arpine Sarkisyanın da öz əvvəlki vəzifələrinə yenidən təyin olunacaqlarını bildirmişdi.
