Türkiyə XİN nümayəndəsinin bəyanatında deyilir ki, Fransa prezidenti Jak Şirakın Ermənistana rəsmi səfəri zamanı "ermənilərin soyqırımı" ilə bağlı söylədiyi fikirlər tarixçilər tərəfindən keçmişdə baş vermiş hadisələrin yenidən araşdırılması prinsipinə uyğun gəlmir.
Trend in Ankaradakı xüsusi müxbirinin məlumatına görə, bəyanatda qeyd edilir ki, J.Şirakın İrəvanda söylədiyi qərəzli fikirləri Türkiyə xalqını məyus edib və Ankaranın "ermənilərin soyqırımı"nı tanımasının ölkənin AB-yə daxil olması üçün ilkin şərt olması ilə bağlı yanlış fikir yaradır.