Tiflis Şəhər Məhkəməsi korrupsiya sövdələşməsində ittiham olunan, Gürcüstan qaz nəqli şirkətinin baş direktoru Revaz Uruşadzeyə və həmin şirkətin əməkdaşı Aleksandr Dolidzeyə iki ay müddətində həbs cəzası müəyyən edib.
Trend -in Tiflisdəki xüsusi müxbirinin verdiyi məlumata görə, bu qərar Tiflis Şəhər Məhkəməsinin cinayət işləri üzrə kollegiyası tərəfindən bu gün səhər qəbul olunub. Bu iş üzrə "Avtoqaz" SC-nin direktoru Giorgia Qoqoberidzeyə də iki aylıq ilkin həbs tədbiri seçilmişdi. "Respublika" bankının əməkdaşı Eka Kiladze isə 30 min lari miqdarında girov qoymaqla azadlığa buraxılıb. Korrupsiya sövdələşməsində təqsirli olunanlar 8 noyabrda hüquq mühafizəçiləri tərəfindən saxlanılıb.