Bakı. Elmir Murad - Trend:
Zaqatalada həmyerlisinin qollarını baltalayan şəxs tutulub.
Trend Daxili İşlər Nazirliyinin saytına istinadən xəbər verir ki, hadisə münaqişə zəmnində baş verib. Belə ki, Zaqatala şəhər sakini Araz Musayev həmyerlisi Vüsal Bəşirovun qollarının bilək nahiyəsinə balta ilə xəsarət yetirib. Zaqatala Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində A.Musayev tutulub. Faktla bağlı Rayon Polis Şöbəsi tərəfindən araşdırmalar aparılır.