"Neftçi" - "Qəbələ" oyunu ilə bağlı məlumat əlavə olunub (ilk xəbər 18:04-də yayılıb)
Azərbaycan, Bakı, 17 aprel /Trend/
Bu gün Azərbaycan Premyer Liqasında 30-cu turun oyunları keçirilib.
Trend-in məlumatına görə, AZAL "Sumqayıt"ı sınağa çəkib. Oyunda hesabı "təyyarəçilər" açıblar - 75-ci dəqiqədə Valeri Kutsenko rəqib qapısına yol tapıb. 90+1-ci dəqiqədə isə Məhəmməd Qurbanov bərabərliyi təmin edib - 1:1.
"Bakı" "İnter"i qəbul edib. "Bankirlər" oyuna daha fəal başlayıblar - 10-cu dəqiqədə Derlis Meza Kolli fərqlənib. 56-cı dəqiqədə Əfran İsmayılov hesab arasındakı fərqi artırıb. Son saniyələrdə isə Nurlan Novruzov təsəlli qolunu vurub - 1:2.
"Simurq" isə Zaqatalada lider "Qarabağ"ı qəbul edib. Oyunun taleyini Ağdam təmsilçisinin futbolçusu Muarem Muarem həll edib - 18 (0:1), 80 (0:2)
"Neftçi" öz meydanında "Qəbələ" ilə görüşüb. Son turlarda ardıcıl qələbə qazanan qəbələlilər paytaxt klubu qarşısında da aciz qalmayıblar 1:3.
Beləliklə, "Qarabağ" 60 xalla 1-ci, "İnter" 50 xalla 2-ci, "Neftçi" isə 46 xalla 3-cüdür. 43 xallı "Qəbələ" 4-cü pillədə qərarlaşıb.