Azərbaycan, Bakı, 6 iyun /Trend/
Azərbaycanda keçiriləcək I Avropa Oyunlarında iştirak edəcək ölkələrin idmançılarının və nümayəndə heyətlərinin ölkəmizə gəlməsi davam edir.
Trend-in məlumatına görə, Oyunlarında iştirak edəcək İngiltərə, İsveç, İrlandiya, Bolqarıstan, Fransa, Sloveniya nümayəndə heyətləri Azərbaycana gəlib.
Onları Heydər Əliyev Hava Limanında "Bakı-2015" I Avropa Oyunları Əməliyyat Komitəsinin nümayəndələri və könüllüləri qarşılayıblar.
Heyətlər onlar üçün ayrılmış xüsusi avtobuslarla "Atletlər kəndi"nə yola salınıblar.
Qeyd edək ki, bundan əvvəl Portuqaliya, Almaniya və İrlandiyanın idmançıları və İsrail, İspaniya, Britaniya və İsveçin nümayəndə heyətləri Azərbaycana gəlib