Azərbaycan, Bakı, 15 iyun /Trend, müxbir İlkin İzzət/
Bakı-2015 I Avropa Oyunlarında qadın voleybolçular bu gün növbəti oyunlarına çıxacaqlar. Trend-in məlumatına görə, ikinci turda Azərbaycan yığması Polşanı sınağa çəkəcək.
A qrupunda yer alan millimiz Rumıniyadan sonra güclü polşalıları da məğlub etməyə çalışacaq. Rəqibin də ilk görüşdən qalib ayrılması matça olan marağı bir qədər də artırır.
Hazırda isə B Bolqarıstanla Rusiya üz-üzə gəlir. Hollandiya bu gün aktivinə növbəti 3 xalı yazdıra bilər. Çünki onlar I turda asan təslim olan Xorvatiyanı sınağa çəkəcəklər.
Turun son oyunu isə gərgin mübarizə vəd edir. Avropa Oyunlarında medalçılar sırasına düşməyi iddia edən Serbiya ilə Almaniya qarşılaşacaq. Hər iki komanda qələbə seriyasını davam etdirməyə çalışacaq.
A qrupu
11:00. Türkiyə - İtaliya
16:30. Rumıniya - Belçika
22:00. Azərbaycan - Polşa
B qrupu
09:00. Bolqarıstan - Rusiya
14:30. Xorvatiya - Hollandiya
20:00. Almaniya - Serbiya