...

Macarıstanlı nazir: Azərbaycan I Avropa Oyunlarını ən yüksək səviyyədə təşkil etdi

Baku 2015 : EUROGAMES Materials 29 İyun 2015 14:29 (UTC +04:00)
Azərbaycan I Avropa Oyunlarını ən yüksək səviyyədə təşkil etdi. Bunu Trend-ə Macarıstanın insanlar resursları məsələləri üzrə naziri Zoltan Baloq deyib.
Macarıstanlı nazir: Azərbaycan I Avropa Oyunlarını ən yüksək səviyyədə təşkil etdi

Azərbaycan, Bakı, 29 iyun /Trend, müxbir Anaxanım Hidayətova/

Azərbaycan I Avropa Oyunlarını ən yüksək səviyyədə təşkil etdi. Bunu Trend-ə Macarıstanın insan resursları məsələləri üzrə naziri Zoltan Baloq deyib.

Nazir bildirib ki, Avropa Oyunları mənim üçün Azərbaycanı ziyarət etmək baxımından gözəl fürsət oldu: "Azərbaycana çoxdan gəlmək istəyirdim".

O bildirib ki, azərbaycanlılarla macarları birləşdirən cəhətlərdən biri də odur ki, hər iki millətin nümayəndələri idmanı çox sevirlər: "Azərbaycanın Oyunlara necə hazırlaşması məni çox heyrətləndirdi. Nəqliyyat, infrastruktur, arena, hər şey ən yüksək səviyyədə hazırlanıb".

Z.Baloq qeyd edib ki, Azərbaycana səfəri zamanı gənclər və idman naziri Azad Rəhimov, təhsil naziri Mikayıl Cabbarov, mədəniyyət və turizm naziri Əbülfəs Qarayevlə görüşlər keçirib: "Biz iki ölkənin əlaqələrinin möhkəmləndirilməsi imkanlarını, yeni layihələri müzakirə etdik. Macarıstan bu il 200 azərbaycanlı tələbəyə təqaüd verəcək. Son 3 ildə iki ölkə arasında bütün sahələrdə əlaqələr tamamilə yeni mərhələyə qədəm qoyub".

Macarıstanın "Wizz Air" aviaşirkətinin Azərbaycanda fəaliyyətinin bərpa edilməsi imkanını şərh edən nazir qeyd edib ki, Macarıstan Azərbaycanda aviaşirkətlərin təyyarələrinin uçuşunun bərpasını dəstəkləyir: "Bizə Bakı və Macarıstan arasında birbaşa reyslər lazımdır. Hazırda bu istiqamətdə danışıqlar aparılır. Onların başa çatacağına ümid edirəm".

Məqalədə:
Xəbər lenti

Xəbər lenti