Azərbaycan, Bakı, 27 may /Trend/
Mayın 30-31-də Mədəniyyət və Turizm Nazirliyi Azərbaycan Yazıçılar Birliyi ilə birlikdə ənənəvi Sabir Poeziya Günlərini keçirəcək.
Nazirliyin mətbuat xidmətindən cümə günü Trend-ə verilən məlumata görə, Sabir Poeziya Günləri Azərbaycan Prezidentinin "M.Ə.Sabirin anadan olmasının 150 illiyinin keçirilməsi haqqında" 1 iyun 2010-cu il tarixli sərəncamına uyğun həyata keçirilir.
Tədbirin mayın 30-da şairin Şamaxı şəhərindəki ev-muzeyində, mayın 31-də isə Bakı şəhərində M.F.Axundzadə adına Milli Kitabxanada keçirilməsi nəzərdə tutulub.
Tədbirlərdə tanınmış qələm adamları, böyük satirikin ailə üzvləri və həmyerliləri iştirak edəcək.
Yubileylə əlaqədar nazirlik tərəfindən üzərinə "Sabir Poeziya Günləri - 2011" yazılmış afişa, qələm, döş nişanı, bloknot və kağız çanta hazırlanıb.
Sabir Poeziya Günləri 1962-ci ildən mütəmadi olaraq keçirilir.