Azərbaycan, Bakı, 28 yanvar /Trend, müxbir Məftun Salmanov/
"Disney" şirkəti arxeoloq İndiana Consun macəraları haqqında yeni film çəkmək qərarına gəlib. Trend-in çərşənbə günü xarici KİV-ə istinadən verdiyi məlumata görə, filmin baş qəhrəmanı rolunu aktyor Kris Pratt oynaya bilər.
Kino şirkətinin K.Pratta rəsmi təklif göndərməsi ilə bağlı dəqiq məlumat yoxdur.
Qeyd edək ki, əvəllki filmlərdə İndiana Cons rolunda Harrison Ford çıxış etmişdi. Onun mümkün varisi K.Pratt isə "Qalaktikanın keşikçiləri" filmindəki roluna görə məşhurluq qazanıb.