...

Azərbaycan Türk Xalqlarının Musiqi Festivalında iştirak edib

Mədəniyyət Materials 24 İyul 2015 15:10
Azərbaycan Qazaxıstanın paytaxtı Astana şəhərində keçirilən Türk Xalqlarının Musiqi Festivalında iştirak edıb.
Azərbaycan Türk Xalqlarının Musiqi Festivalında iştirak edib

Trend-i buradan izləyin

Azərbaycan, Bakı, 24 iyul /Trend, müxbir İlhamə İsabalayeva/

Azərbaycan Qazaxıstanın paytaxtı Astana şəhərində keçirilən Türk Xalqlarının Musiqi Festivalında iştirak edib.

Mədəniyyət və Turizm Nazirliyindən Trend-ə verilən məlumata görə, Astanada keçirilən Ənənəvi Musiqi üzrə Beynəlxalq Şuranın (İCTM) 43-cü ümumdünya konfransı çərçivəsində TÜRKSOY tərəfindən Türk Xalqlarının Musiqi Festivalı təşkil olunub.

Festivalda iştirak edən musiqiçilər orta əsrlərdən etibarən formalaşan zəngin türk musiqi mədəniyyəti nümunələrini, rəqsləri, muğamları, vokal-instrumental ansambl ifaçılığını təqdim ediblər.

Türk xalqlarının musiqi mədəniyyətinə, onların qarşılıqlı mübadilə yolu ilə inkişafına həsr edilmiş tədbirdə 70-ə yaxın ölkədən 800 aparıcı ekspert, türkdilli ölkələrin mədəniyyət və incəsənət xadimləri və xarici ölkələrin nümayəndələri iştirak ediblər.

Festivalda Azərbaycandan "Aypara" muğam üçlüyünün - ikinci respublika muğam müsabiqəsinin qalibi Aytən Məhərrəmova, tarzən Ədalət Behbudov və kamança ifaçısı Pərviz Fərhadov iştirak edıb.

Məqalədə:
Xəbər lenti

Xəbər lenti