...

“Öldürsənə məni, Caniko” tamaşasının premyerası olacaq (FOTO)

Mədəniyyət Materials 2 İyul 2018 20:41 (UTC +04:00)
Əziz Nesinin “Öldürsənə məni, Caniko” pyesi əsasında hazırlanmış eyniadlı tamaşanın premyerası keçiriləcək.
“Öldürsənə məni, Caniko”  tamaşasının premyerası olacaq (FOTO)

Trend-i buradan izləyin

Bakı. Trend:

Azərbaycan Dövlət Gənc Tamaşaçılar Teatrında Əziz Nesinin “Öldürsənə məni, Caniko” pyesi əsasında hazırlanmış eyniadlı tamaşanın premyerası keçiriləcək.

Teatrdan Trend-ə verilən məlumata görə, premyera iyulun 8-də saat 19:00-da olacaq.

Tamaşada Xalq artisti Naibə Allahverdiyeva, Əməkdar artist Qəmər Məmmədova, aktyorlar Allahverdi Yolçuyev, Təhminə Məmmədova, Müşfiq Əliyev, Bəhram Həsənov, Anar Seyfullayev və Anar Səfiyev rol alıb.

Tamaşanın quruluşçu rejissoru Əməkdar artist Nicat Kazımov, rejissoru Müşfiq Əliyev, rejissor assistenti Sona Mustafayevadır.

Qeyd edək ki, məşhur türk dramaturqu Əziz Nesinin bu əsəri dünyanın bir çox səhnələrində dəfələrlə hazırlanıb və həmişə böyük tamaşaçı marağına səbəb olub. Əsərin janrı komediya olsa da, məğzi tənhalıq faciəsidir. ADGTT-nın təqdim etdiyi tamaşada həm komik, həm də dramatik məqamlara yetərincə yer verilib.

Əsərin qəhrəmanları uzun illər öncə ərlərini itirmiş 68 yaşlı Siyen və 73 yaşlı Dihadır. Onlar məcburiyyətdən binanın zirzəmisində yaşayırlar.

Teatr Siyenin toyunun 50 illik yubileyini qeyd etməyə hazırlaşan rəfiqələrin başına gələn əhvalatlardan xəbərdar olmaq istəyən hər kəsi iyulun 8-də premyerada gözləyir.

Məqalədə:
Xəbər lenti

Xəbər lenti