...

Çıraqqala abidəsinin 5 bürcündə bərpa-konservasiya işləri başa çatdırılıb (FOTO)

Mədəniyyət Materials 26 May 2023 15:45 (UTC +04:00)
Çıraqqala abidəsinin 5 bürcündə bərpa-konservasiya işləri başa çatdırılıb (FOTO)

Trend-i buradan izləyin

Fərid Zöhrabov
Fərid Zöhrabov
Bütün xəbərlər

Bakı.Trend:

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Səbinə Hacıyeva dünya əhəmiyyətli tarixi abidə olan Çıraqqalada aparılan bərpa-konservasiya işləri ilə tanış olub.

Trend xəbər verir ki, Şabran rayonu ərazisində yerləşən V-VI əsrlərə aid Çıraqqala abidəsi mərkəzi qala da daxil olmaqla 17 bürcdən ibarətdir. Qalanın 5 bürcündə bərpa-konservasiya işləri başa çatdırılıb, digər bürclərdə də aparılan işlərin tamamlanması ilə bağlı tədbirlər görülür.

Eyni zamanda bürclərarası qala divarları bərpa-konservasiya olunub, ərazidə arxeoloji tədqiqatlar aparıldıqdan sonra aşkar olunmuş tikililərdə əlavə konservasiya işləri həyata keçirilib.

Həyata keçirilən işlərinin cari ildə tamamlanması planlaşdırılır.

Qeyd edək ki, Gilgilçay müdafiə səddi Xəzər dənizindən başlayaraq Böyük Qafqaz sıra dağlarının dərinliklərinə qədər, 120-130 km uzunluğunda böyük bir ərazini əhatə edir. Səddin baş tikilisi Şabran rayonu ərazisində yerləşən “Çıraqqala” abidəsi V-VI əsrlərdə inşa edilib. Tarixi abidə möhtəşəm görünüşü və tikinti xüsusiyyətləri ilə inşa edildiyi ərazidə dominant rol oynayaraq, yerləşdiyi məkanın simvoluna çevrilib.

Ölkəmizin ən qədim tarixi abidələrindən olan Çıraqqalada möhkəmləndirmə və bərpa-konservasiya işləri Azərbaycan Respublikası Prezidentinin 13 mart 2019-cu il tarixində imzaladığı Sərəncama əsasən aparılır.

Məqalədə:
Xəbər lenti

Xəbər lenti