Bakı. Samir Əli - Trend:
Bakı Ağır Cinayətlər Məhkəməsində dostunu bıçaqlamaqda təqsirləndirilən Vüsal Qurbanovun cinayət işi üzrə məhkəmə prosesi başa çatıb.
Trend-in məlumatına görə, hakim Şəkər Məmmədovanın sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə V.Qurbanov 4 il azadlıqdan məhrum edilib.
İttihama görə, Abşeron rayonu, Məhəmmədi qəsəbəsində “Odlar Yurdu” kafesində V.Qurbanov tanışı Tələt Həsənovla yeyib-içərkən T.Həsənov həmin kafedə olan 2 qadına söz atıb. Tanışının bu hərəkəti V.Qurbanova xoş gəlməyib və ona iradını bildirib.
Daha sonra tanışlar mübahisə edib. Nəticədə V.Qurbanov T.Həsənovu bıçaqlayıb.