...

Hafiz Məmmədov ev dustaqlığına buraxılmadı

Gündəm Materials 28 Yanvar 2022 13:50
Hafiz Məmmədov ev dustaqlığına buraxılmadı

Trend-i buradan izləyin

Bakı. Samir Əli - Trend:

Bakı Apellyasiya Məhkəməsində külli miqdarda vergidən yayınma qida təqsirləndirilərək həbs olunan iş adamı Hafiz Məmmədovun barəsində olan həbs qətimkan tədbirinin ev dustaqlığı ilə əvəz edilməsi ilə bağlı vəsatətinə baxılıb.

Trend-in məlumatına görə, prosesdə şikayət araşdırılsa da təmin edilməyib.

Qeyd edək ki, İqtisadiyyat Nazirliyi yanında Dövlət Vergi Xidmətinin Vergi cinayətlərinin İbtidai Araşdırılması Baş İdarəsində iş adamı Məmmədov Hafiz Məcid oğlunun bilavasitə faktiki rəhbərliyi həyata keçirdiyi müəssisələr üzrə yaranmış külli miqdarda vergi və məcburi dövlət sosial sığorta haqlarının ödəməkdən yayındırılması faktları üzrə cinayət işi başlanıb.

Başlanmış cinayət işi çərçivəsində Hafiz Məmmədov istintaqa gəlməkdən boyun qaçırdığından, onun barəsində ittiham elan edilməsi üçün şəxsin tutulması ilə bağlı axtarış haqqında qərar qəbul edilib.Yasamal rayon məhkəməsinin qərarı ilə Hafiz Məmmədov barəsində həbs qətimkan tədbiri seçilib.

Məqalədə:
Xəbər lenti

Xəbər lenti