Bakı. Trend:
Azərbaycanda “kinder” məhsullarının yığışdırılması ilə bağlı qərar yoxdur.
Trend-in məlumatına görə, bunu Qida Təhlükəsizliyi Agentliyinin sədri Qoşqar Təhməzli Milli Məclisdə jurnalistlərə açıqlamasında deyib.
O qeyd edib ki, “Kinder”in Belçikada müəyyən aralıqda istehsal etdiyi 6 növ məhsul “Salmonella” bakteriyasının olması şübhəsi ilə ixrac edildiyi ölkələrdən geri çağrılır:
"Azərbaycanda olan həmin məhsullarda “salmonella” aşkarlanmayıb. “Salmonella” ilə zəhərlənmə ilə bağlı da hər hansı bir hal baş verməyib.
Hazırda ticarət mərkəzlərində satılan məhsullar o kateqoriyadan deyil. Geri çağılmış məhsullar yığışdırıldıqdan sonra təkrar ekspertizalar keçiriləcək. Ekspertizadan sonra həmin məhsulların taleyi ilə bağlı qərar veriləcək”, - deyə o bildirib.