Bakı. Trend:
Çin və ABŞ bir sıra mallara qarşı rüsumları qarşılıqlı olaraq azaltmaq barədə razılığa gəliblər.
Trend-in məlumatına görə, bu barədə "Bloomberg" agentliyi Çinin Kommersiya Nazirliyinə istinadən xəbər verib.
Məlumata əsasən, tərəflər kənd təsərrüfatı sektoru da daxil olmaqla ticarəti genişləndirmək məqsədilə bu cür tədbirlərə əl atıblar. Lakin bəyanatda rüsumların azaldılacağı malların siyahısı yoxdur; tərəflər hələ də detalları müzakirə edirlər.
Kommersiya Nazirliyi həmçinin ABŞ-ın Çinə kənd təsərrüfatı məhsullarının idxalı ilə bağlı iddialarını da nəzərdən keçirəcəyini qeyd edib.
