Bakı. Trend:
Müstəqil Sənayeçi və İş Adamları Dərnəyi (MÜSİAD) idarə heyətinin üzvü Abdurrahman Uzun İstanbul Sanaye Palatasına (İSO) seçkilərdə qalib gələrək, İSO Məclis üzvü seçilib.
Bu haqda Trend-ə bu gün MÜSİAD Azərbaycandan daxil olan məlumatda bildirilir.
A.Uzun bundan əvvəl MÜSİAD Azərbaycan idarə heyətinin sədri olub.
Qeyd edək ki, 1952-ci ildə qurulan İstanbul Sənaye Palatasının əsas məqsədi məlumat, təlim və məsləhət xidmətləri vasitəsilə üzvlərinin və Türkiyə sənayesinin cari və ya gələcək ehtiyaclarını təmin etməkdir.
İSO qeyri-hökumət təşkilatıdır və hazırda 2 mindən çox üzvü var.