Azərbaycan, Bakı, 09 sentyabr / Trend , müxbir S.Kazımlı / Bakının Nizami rayonunun ərazisində soyğunçuluq hadisəsi baş verib.
Nizami rayon Polis İdarəsinin (RPİ) 25 -ci polis bölməsindən çərşənbə axşamı Trend - a verilən məlumata görə, avqustun 7-də saat 23:00 radələrində üç nəfər naməlum şəxs Çobanzadə küçəsindəki 5 saylı binanın qarşısında, həmin binada yaşayan 1974-cü il təvəllüdlü Zaur Ağabəyova zor tətbiq edərək, onun mobil telefonunu və 240 manat pulunu alaraq, hadisə yerindən qaçıblar.
Polis bölməsindən bildiriblər ki, hazırda həmin şəxslərin tutulması üçün əməliyyat-axtarış tədbirləri davam etdirilir.
Faktla bağlı Nizami RPİ-nin 25 -ci polis bölməsində təhqiqat aparılır.
Məqalə müəllifi ilə əlaqə ünvanı: [email protected]