RED. əlavəsi: ölənlərin adları açıqlanıb
Azərbaycan, Bakı, 28 mart / Trend , müxbir R. Cəfərov/
Bakının İçəri Şəhərdə Böyük Qala 16 ünvanında yerləşən üç mərtəbəli yaşayış binasında baş verən yanğın nəticəsində iki nəfər ölüb. Bu barədə bazar günü Trend -a Daxili İşlər Nazirliyinin mətbuat xidmətinin rəhbərinin müavini Ehsan Zahidov məlumat verib.
Onun sözlərinə görə, yanğın dünən 21:00 radələrində baş verib. Yanğın nəticəsində 5 mənzildən ibarət üç mərtəbəli yaşayış binasının bütün yanar konstruksiyaları , binanın içərisində olan əşyalar tamamilə yanıb.
Zahidovun sözlərinə görə, hadisə nəticəsində 1937 - ci il təvəllüdlü Elmira Axundova və əri, 1925-ci il təvəllüdlü Akif Əhmədov ölüblər. Faktla bağlı araşdırma aparılır.
Hadisə yerinə 20-ə yaxın yanğınsöndürmə maşını və 6 təcili tibbi yardım maşını gəlib.
