Azərbaycan, Bakı, 9 may /Trend, müxbir K.Zərbalıyeva/
Xaçmazda həmkəndlilərini ölümlə hədələyən şəxs tutulub.
Daxili İşlər Nazirliyinin mətbuat xidmətindən Trend-ə verilən məlumata görə, mayın 8-də Xaçmaz rayonunun Seyidli kənd sakini Pərvin Daşdəmirov rayon polis şöbəsinə ərizə ilə müraciət edərək, mayın 7-də həmkəndlisi Faiq Cəmilovun onu ölümlə hədələdiyini və başının üstündən ov tüfəngindən 2 dəfə havaya atəş açdığını bildirib.
Həmin gün kənd sakini Cəmil Cəmiyev də polis şöbəsinə oxşar məzmunlu ərizə ilə müraciət edib.
Xaçmaz rayon polis şöbəsinin əməkdaşlarının həyata keçirdikləri əməliyyat-axtarış tədbirləri nəticəsində Cəmilov tutulub, ondan 1 ədəd "TOZ-16" markalı tüfəng və 0,282 qram heroin götürülüb.
Faktla bağlı cinayət işi başlanıb.
.