Azərbaycan, Bakı, 28 iyun /Trend, müxbir K.Zərbalıyeva/
Qubada ağır yol qəzası baş verib.
Daxili İşlər Nazirliyinin mətbuat xidmətindən Trend-ə verilən məlumata görə, iyunun 27-də saat 23:30 radələrində Quba rayonu ərazisində, rayon sakini Sahib Bağırovun idarə etdiyi "VAZ-2107" markalı və Xaçmaz rayon sakini Sabir Allahverdiyevin idarə etdiyi "VAZ-2106" markalı avtomaşınlar toqquşub.
Xəsarət almış Bağırov və Allahverdiyevin sərnişini, Xaçmaz rayon sakini Naib Nurəhmədov xəstəxanaya yerləşdiriliblər.
Nurəhmədov orada ölüb, Bağırovun vəziyyəti isə orta-ağırdır.