Rusiya Müdafiə nazirliyindən verilən məlumata görə, Rusiyanın Müdafiə naziri Anatoliy Serdyukov iki günlük səfəri ərzində Gəbələ RLS-ın icarə müddətinin artırılmasını müzakirə edəcək.
Bazar günü başlayan işgüzar səfəri zamanı, Rusiya Müdafiə naziri Azərbaycan Respublikasının Prezidenti İlham Əliyevlə görüşəcək və həmkarı general-polkovnik Səfər Əbiyevlə danışıqlar aparacaq.
"Müdafiə qurumların rəhbərləri iki ölkənin silahlı qüvvələrinin vəziyyətinı və inkişafını, gələcək hərbi perspektivlərini və iki ölkə arasındakı hərbi-texniki əməkdaşlığı, o cümlədən Rusiya tərəfindən Gəbələ RLS-ın icarə müddətinin artırılmasını müzakirə edecəklər" - Rusiya Federasiyasının Müdafiə nazirliyinin məlumatında qeyd edilir.
Rusiya hərbi nümayəndə heyəti səfər çərçivəsində Ümummilli Lider Heydər Əliyevin heykəlinə gül goyacaqlar.