...

Yol polisi Hacıqabulda baş verən yol qəzası ilə bağlı məlumat yayıb

Hadisə Materials 5 Yanvar 2012 12:01 (UTC +04:00)
Baş Dövlət Yol Polisi İdarəsi dünən Hacıqabul rayonu ərazisində baş verən ağır yol qəzası ilə bağlı məlumat yayıb.
Yol polisi Hacıqabulda baş verən yol qəzası ilə bağlı məlumat yayıb

Azərbaycan, Bakı, 5 yanvar / Trend, müxbir K.Zərbalıyeva/

Baş Dövlət Yol Polisi İdarəsi dünən Hacıqabul rayonu ərazisində baş verən ağır yol qəzası ilə bağlı məlumat yayıb.

İdarədən cümə axşamı Trend-ə verilən məlumata görə, dünən saat 14:40 radələrində Bakı-Qazax-Gürcüstan sərhədi yolunun 162-ci kilometrliyində ağır yol qəzası baş verib.

Yevlax sakini 1950-ci il təvəllüdlü Səftər Bayraməliyevin idarə etdiyi "MAN 327" markalı yük maşını Kürdəmir rayonu istiqamətində hərəkətdə olarkən Kürdəmir rayon sakini 1963-cü il təvəllüdlü Ağasəf İsayevin idarə etdiyi "QAZ-31029" markalı avtomobillə toqquşub.

Sonra yolun Qazax istiqamətində sol tərəfdə dayanmış 1956-cı il təvəllüdlü Hacıqabul rayon sakini Mirkazım Həsənova məxsus "VAZ 2106" markalı avtomobillə toqquşub.

Nəticədə "VAZ 2106"-nın sürücüsü, sərnişini, 1965-ci il təvəllüdlü Ağsu rayon sakini Vüqar Müzəffərli, "QAZ-31029"-da olan sərnişin 1961-ci il təvəllüdlü Ağsu rayon sakini Kamil Talıbov hadisə yerində ölüb.

"QAZ-31029"-in sürücüsü isə bədən xəsarəti alaraq xəstəxanaya yerləşdirilib.

Xəbər lenti

Xəbər lenti