Azərbaycan, Bakı, 17 yanvar /Trend, müxbir K.Zərbalıyeva/
Bakıda bazara bomba qoyulması barədə məlumat təsdiqini tapmayıb.
Yasamal rayon Polis İdarəsindən Trend-ə verilən məlumata görə, bu gün günorta saatlarında Daxili İşlər Nazirliyinin "102" xidmətinə zəng edən şəxs "Yasamal bazarı"na bomba qoyulması barədə məlumat verib.
Hüquq-mühafizə orqanlarının əməkdaşları və Fövqəladə Hallar Nazirliyinin xilasedicilərinin bazarda apardığı axtarış zamanı heç bir şübhəli əşya aşkar edilməyib.
Yalan məlumat verən şəxsin kimliyinin müəyyən edilməsi istiqamətində tədbirlər görülür.