Azərbaycan, Bakı, 17 fevral /Trend, müxbir K.Zərbalıyeva/
Sumqayıtda sərnişin avtobusu minik avtomobili ilə toqquşub, xəsarət alanlar var.
Respublika Baş Dövlət Yol Polisi İdarəsindən Trend-ə verilən məlumata görə, bu gün günorta saatlarında Sumqayıt şəhərində 32 saylı sərnişin avtobusu ilə "KİA" markalı minik maşını toqquşub.
Qəza zamanı avtobusda olan sərnişinlərdən 8 nəfər xəsarət alıb.
Xəsarət alanlardan 5-nə tibbi yardım göstərilərək evə buraxılıb, 3-ü isə xəstəxanaya yerləşdirilib.