Azərbaycan, Bakı, 26 aprel /Trend/
Şəmkir rayonunda ağır yol qəzası baş verib.
Trend-in Fövqəladə Hallar Nazirliyinin saytına istinadən verdiyi xəbərə görə, rayonun Yasamal aşırımında (rayon mərkəzindən 5 km aralı) "QAZel" markalı mikroavtobus dərəyə düşüb. Xilasedicilər 5 nəfər sərnişinə hadisə yerində ilkin tibbi yardım göstərib və müvafiq təhlükəsizlik tədbirləri görüblər.