Azərbaycan, Bakı, 23 iyun /Trend, müxbir M.Əliyev/
Gəncə sakinindən külli miqdarda narkotik vasitə götürülüb.
Trend-in DİN-in mətbuat xidmətinə istinadən verdiyi məlumata görə, Baş Narkotiklərlə Mübarizə İdarəsinin Qərb Bölgəsində Regional Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Gəncə şəhəri ərazisində, əvvəllər məhkum olunmuş, şəhər sakini Maarif Hüseynov 2 kiloqram 655 qram marixuananı satarkən tutulub.
Onun evinə baxış zamanı 14 kiloqram 289 qram marixuana aşkar edilərək götürülüb.