Azərbaycan, Bakı, 23 iyun /Trend/
Azərbaycanda yol qəzalarında iki azyaşlı ölüb.
Trend DİN-in rəsmi saytına istinadən məlumat verir ki, iyunun 22-də saat 21:00 radələrində Suraxanı rayonu ərazisində Bakı şəhər sakini Zamik Atayev "Toyota" markalı avtomaşını idarə edərkən yolu keçən 6 yaşlı Aygün Vəliyevanı və 4 yaşlı Zəhra Əliyevanı vurub.
Nəticədə xəsarət almış hər iki azyaşlı xəstəxanaya yerləşdiriliblər. Zəhra orada ölüb, Aygünün vəziyyəti isə orta-ağırdır.
İyunun 22-də saat 21:00 radələrində Mingəçevir şəhəri ərazisində şəhər sakini Roman Əliyev "VAZ-2104" markalı avtomaşını idarə edərkən 4 yaşlı Ayan Şəmsiyevanı vurub. Nəticədə uşaq hadisə yerində ölüb.