Azərbaycan, Bakı, 7 yanvar /Trend, müxbir A.Tağıyeva/
Türkiyənin Zonquldak əyalətinin Kozlu ərazisindəki kömür şaxtasındakı partlayışda həlak olanların sayı səkkiz nəfərə çatıb. Trend-in məlumata görə, bu barədə bazar ertəsi TRT Haber telekanalı xəbər yayıb.
Partlayış metan qazının yığılması nəticəsində baş verib.
Hazırda dağıntılar altında qalan digər mədən işçilərinin xilas edilməsi üzrə işlər aparılır.