Azərbaycan, Bakı, 13 iyul /Trend/
Goranboyda göldə batan şəxsin cəsədi tapılıb.
Trend Fövqəladə Hallar Nazirliyinin rəsmi saytına istinadən məlumat verir ki, 1998-ci il təvəllüdlü Qəhrəmanov Sabir Vüqar oğlu Goranboy rayonu, Sapıküt kəndi ərazisində yerləşən Sapıküt gölündə (ən yaxınlıqdakı xilasetmə məntəqəsindən 100 km aralda nəzarətsiz ərazidə) batıb.
Dərhal FHN-in Dövlət Sularda Xilasetmə Xidmətinin dalğıc-xilasediciləri hadisə yerinə cəlb edilib. Qeyd olunan şəxsin cəsədi "Aran" dalğıc-axtarış qrupunun dalğıc-xilasediciləri tərəfindən batdığı yerdən 15 metr aralıda tapılaraq çıxarılıb və aidiyyəti üzrə təhvil verilib.