Azərbaycan, Bakı, 28 avqust /Trend, müxbir İ.İzzət/
Sumqayıt şəhəri ərazisində baş verən yol-nəqliyyat hadisəsi zamanı bir nəfər ölüb, 3 nəfər xəsarət alıb.
Trend Daxili İşlər Nazirliyinin (DİN) rəsmi saytına istinadən xəbər verir ki, avqustun 28-də saat 00.45 radələrində Sumqayıt şəhəri ərazisində şəhər sakini İbrahim Aslanov idarə etdiyi "Daewoo" markalı avtobusu yolun kənarındakı dəmir səddə vurduğundan, arxadan gələn həmyerlisi Natiq Qədəşovun idarə etdiyi "VAZ-2107" markalı avtomaşın ona çırpılıb.
Nəticədə Natiq Qədəşovun sərnişinlərindən 40-45 yaşlı kişi xəstəxanaya aparılarkən yolda ölüb, xəsarət almış özü və digər 2 sərnişini isə xəstəxanaya yerləşdiriliblər.
Faktla əlaqədar Sumqayıt Şəhər Polis İdarəsi tərəfindən araşdırmalar aparılır.