Azərbaycan, Bakı, 17 oktyabr /Trend, müxbir R.Hafizoğlu/
Türkiyə Hərbi Hava Qüvvələrinin (HHQ) qırıcıları Suriyaya məxsus hərbi təyyarənin ölkənin hava məkanına daxil olmaq cəhdinin qarşısını alıb. Trend xəbərə verir ki, bu barədə Türkiyə Baş Qərargahının yaydığı məlumatda bildirilir.
Suriya HHQ-yə məxsus hərbi təyyarənin Türkiyənin hava sərhədləri istiqamətində hərəkət etməsi barədə məlumat daxil olan kimi Türkiyə HHQ-nin iki qırıcı təyyarəsi Hatay əyalətində yerləşən bazadan havaya qalxıb.