Azərbaycan, Bakı, 16 yanvar /Trend, müxbir İ.İzzət/
Şəmkir rayon Dəllər qəsəbəsinin ərazisindən silah-sursat tapılıb.
Trend Daxili İşlər Nazirliyinin (DİN) rəsmi saytına istinadən xəbər verir ki, yanvarın 15-də Şəmkir rayon Polis Şöbəsi əməkdaşları tərəfindən Dəllər qəsəbəsinin ərazisində 1 ədəd "AKM" markalı silah, 2 ədəd alışqansız "F-1" qumbarası və 27 ədəd patron tapılıb.
Göstərilən silah və sursat qəsəbədə yerləşən məişət tullantıları sahəsindən tapılıb.
Faktla bağlı araşdırma aparılır.