Azərbaycan, bakı, 18 fevral /Trend/
Suraxanı rayonu ərazisində "Hyundai" və "Mercedes" markalı avtomobillər toqquşub.
Trend Daxili İşlər Nazirliyinin mətbuat xidmətinə istinadən xəbər verir ki, fevralın 17-də saat 19 radələrində Suraxanı rayonu Bülbülə qəsəbəsinin ərazisində Bakı şəhər sakinləri Zaur Mahmudovun idarə etdiyi "Hyundai" markalı və Əminə Abdullayevanın idarə etdiyi "Mercedes" markalı avtomobillər toqquşub.
Ə.Abdullayevaya və sərnişini, anası Ulduza, habelə Z.Mahmudovun sərnişinləri, həmyerliləri Fərid Ağalarova, Zakir Feyzullayevə, Sıldız Hüseynova və Bəxtiyar Məmmədova xəstəxanada ilkin tibbi yardım göstərilib.